Ushbu maqola kiber sport (E sport) sohasini zamonaviy huquqiy paradigma doirasida tartibga solishning nazariy va huquqiy jihatlarini o’rganishga bag’ishlangan. Kiber sportning global miqyosda tobora ommalashib borayotgani, uning iqtisodiy, ijtimoiy va madaniy ta’siri kuchayib borayotgan bir paytda, bu sohani huquqiy jihatdan tartibga solish masalasi dolzarb bo’lib qolmoqda. Maqolada kiber sportning sport turi sifatida e’tirof etilishi, intellektual mulk huquqlari, shartnomaviy munosabatlar, mehnat huquqi, yoshlar huquqlarini himoya qilish, anti-doping va bukmekerlik faoliyati kabi masalalar tahlil qilinadi. Shuningdek, O’zbekistonda kiber sportni rivojlantirish va huquqiy tartibga solish istiqbollari ham muhokama qilinadi.